巴黎七不愉快事件簿

這次的巴黎的遊記，我決定唔寫睇景點行街部份，反正巴黎景點未去過都知有乜，反而好想分享所發生的「不愉快事件」，因為我地成個巴黎旅程都頗不愉快！ 其實回想一下，呢個trip真係由頭黑到落尾，不得不信邪。

事件一：
今次的住宿，我們捨酒店而揀了租apartment。我們租住的apartment位於第四區Le Marais，地點方便至極，可步行至大部份景點。本來好地地，但入到單位打咗個突－實在太核突！！！同上網睇相好大分別！！！！就連厠所都好核突！！每晚返到單位都好唔開心。呢間「巴黎核突屋」令我同陳生都好難忘。

但apartment的門口好似Before Sunset女主角Celine的公寓啊～～～除此之外真係冇乜可取。





事件二：
呢件事都不算太不愉快，但即管記錄吓。話說我地响巴黎其間撞正香榭麗大道聖誕亮燈儀式。儀式傍晚六點開始，我地大約五點四十五分就响度等。啲嘉賓都陸續到來，但到六點０五分都冇聲氣開始。等多十五分鐘，腳開始軟了，都唔似就快開始，我地就放棄離開！心諗有冇搞錯，呢啲大型official活動都遲咁多。



事件三：
呢件事每次諗起都又嬲又唔開心！！我地遇上咗班福佳細路，中咗佢地招！！！！︿＆＊＆（＊（＆＆︿＆︿％︿％＄︿％＊︿＆＆！！！！！！！！！！！！！！＠＃％＄＃＠＃％＃＄︿％＄％＃％＄％︿％＄％︿＄＃％＄＃＄︿％︿！！！！！！！！！！！！！
（如想知咩事，可私留）


事件四：
我同陳生都不約而同腳痛！！！佢腳踝痛（痛到腫咗嗰隻），我就膝頭痛，每行一步都好痛 X 兩個人，鳴鳴鳴。。。


事件五：
我地計劃咗去凡爾賽宮當日，由市區去皇宮的列車停開。去到車站諗住問職員有冇其他車去，已經好好聲氣用法文問佢，佢都話班車冇開，冇架喇；另一班遊客用英文問佢，佢直情當聽唔到。態度差到冇人有。
解決方法：我地摶一摶，上咗架火車去有'Versaille'的站名，諗住點都去到附近掛。好彩俾我地撞中，呢個站都係响凡爾賽宮附近，只係行多十五分鐘。但我地腳痛喎。




事件六：
腳痛，就自然行得慢。巴黎的地鐵站好多都冇扶手電梯的，由月台行到出閘都有兩層樓咁高。某次我地响Île de Cité西堤站行上去出閘，用近乎蟻躝的速度，慢慢行上去（幻想吓兩個腳痛的人都已經行到好攰了）。行行吓，陳生覺得唔對路，擰轉一望，有幾個後生仔响度開緊陳生背包！！拉鍊已經拉開咗！！陳生即刻指住佢地高叫THIEF!!!!! THIEF!!!!! 佢地就舉晒手話Nothing，之後行返落月台（仲唔係賊？？？唔係上緊去出閘架咩，做乜倒轉行返落去）。好彩，我地冇損失，同埋遇到的只係九流扖手。如果我地遇的係專業扖手，以我地咁攰的狀態都應該得手了。但咁樣俾人開袋，真係嚇一嚇，好緊張。




事件七：
一不離二，衰開有條路。本來我安排咗蒙馬特山作為最後一日的行程。但經過咗事件一至六，都暗暗覺自己時運低，而蒙馬特山又係出名最多呢啲「事件」發生。雖然很可惜，但為咗安全同peace of mind，決定放棄呢個必遊景點，行吓街就算。但都俾我地遇到。。。（如果去埋蒙馬特山，會否有更差的事發生？？？）

好地地入咗一間餐廳食lunch。餐廳前半部分坐咗不少當地人，侍應帶我地入去冇乜人的後半部分，我地都不以為意。到點餐時間，我地各自點咗一個當日主菜Plat du jour，侍應話：With soup & salad，咁我地話OK。 到賬單來時，我地都好驚訝，點解點咗兩份（每份）十幾歐圓的Plat du Jour，加埋會變咗七十幾歐圓？？？

佢第一張俾我地的賬單，鬼畫符咁，真係唔X知佢寫乜，但總數就寫得好清楚。我地請佢俾過張電腦打印的單我地，等我地望吓點解變咗七十幾歐。


侍應都好識趣，放低賬單就快快趣行開咗，俾空間我地接受呢張賬單。我地起先呆咗，點解頽餐會食咗七十幾歐？？？問侍應後，先知原來自已點咗咁多嘢（問完佢嘢即刻閃咗去，身有屎咁）。

1. 兩份Plat du Jour，加埋廿幾歐
2. 我地叫佢拎清水，佢俾咗spring water
3. 沙律同湯的價錢，原來，佢係問我地'with soup & salad ?'，而唔係話我地知跟soup & salad，侍應幫我地揸主意，揀咗最貴的湯同沙律，加埋四十幾歐
4. 仲有不知明的收費，佢話係tax，但所有細項加埋同佢寫的總數都唔對。連加數都計唔好就呃人？？？？？？？？？

！！！！！！！！！！！！！！！！！！！！！！！！！！！！！怒！！！！！！！！！！！！！！！！！！！！！！！！！！！！！！(☄ฺ◣д◢)☄(☄ฺ◣д◢)☄(☄ฺ◣д◢)☄(☄ฺ◣д◢)☄(☄ฺ◣д◢)☄(☄ฺ◣д◢)☄(☄ฺ◣д◢)☄(☄ฺ◣д◢)☄(☄ฺ◣д◢)☄凸（￣へ￣）凸（￣へ￣）凸（￣へ￣）凸（￣へ￣）凸（￣へ￣）凸（￣へ￣）凸（￣へ￣）凸（￣へ￣）凸（￣へ￣）


之後越諗就越嬲，這次絕對不能妥協。我地商量好對策，就攞住賬單去到較多人的餐廳前部份同佢講數（大大聲講，等其他食客知呢間係黑店）。

1. 兩份Plat du Jour，加埋廿幾歐 ➩ 呢個當然有叫
2. 我地叫佢拎清水，佢俾咗spring water ➩ 我地叫清水，做乜俾spring water？
3. 沙律同湯的價錢，原來，佢係問我地'with soup & salad ?'，而唔係話我地知跟soup & salad，侍應幫我地揸主意，揀咗最貴的湯同沙律，加埋四十幾歐 ➩ 就算你問我地要唔要我地講咗OK，我地都冇話要邊一款沙律同湯，你點justify幫我地點咗最貴的沙律同湯？？
4. 仲有不知明的收費，佢寫係tax，但所有細項加埋同佢寫的總數都唔對 ➩ 呢個仲離譜，法國餐牌價錢理應含稅，你另外收稅，唔跟法例？？？仲有，你啲數加埋都唔啱，你張單錯！！

起初，侍應企硬。但我地都企硬，黑面，唔驚佢。講咗一輪，佢屈服，收咗我地４４歐，係兩份套餐的價錢。其實都係老屈，但冇辦法，我地差不多時候要出機場。同埋就算報警的話，警察都可能一樣黑底。我地條氣都唔多順，去咗tourist information centre反映我地被昆。職員聽到都替我們不值，搖晒頭。又醒咗幾個巴黎遊客生存小貼士（但我地都出機場了）。

之後就買多少少嘢，坐車出機場。check in, immigration，去到閘口前鬆一口氣，我們的旅程終於完結了！冇試過去旅行想快啲完。留多一日都唔知會有乜嘢事發生。

以後都唔想再嚟巴黎了！！！好彩我已經去咗第四次，真係more than enough，連陳生第一次去，都話唔駛再去（理念一致）。最多真係想買嘢的話，嚟個short day trip，買完嘢快快趣走，此地不宜久留！

食在巴黎

:: 號外 ::
先前提及我地响Vienna -- Zurich的火車俾車長笑笑口打劫。返到香港，仲係成腦問號，咩火車卡行行吓分開咗？真係唔明。陳生點咗我呢個秘書e-mail去ÖBB（奧地利火車公司）問個究竟，起碼知道啲火車做乜，希望下次唔好再做水魚。過咗好一陣都冇回覆，諗住人地都費事睬我地啦。。。點知過咗個幾兩個月失驚無神收到ÖBB回覆，但冇解釋，直接叫我地send返車長收我地錢的receipt，佢會reimburse返俾我地。邊有人打劫會開receipt，我地真係冇，佢就offer退返我地同佢買票的錢。但係，佢地只會refund去有IBAN的戶口，而香港的銀行戶口係沒有IBAN的。。。最後，排除萬難收返錢，留來做下次歐遊的旅費。問都唔問就退錢，ÖBB係咪都為意有唔少呢啲事發生呢？


本來一場去到巴黎都好想食吓米芝蓮美食，一心鎖定咗Le Meurice，只可惜訂枱時已經太遅；諗住冇得食正餐食吓high breakfast都好吖，佢話要留位俾酒店住客唔guarantee有位喎，唯有放棄，都冇mood再搵 / 訂其他米芝蓮餐廳，上tripadvisor睇吓有咩推介好過。


一日之計在於晨，我地响巴黎住apartment，所以冇酒店早餐，每日起身梳洗完就出街。但我地反而覺得响巴黎食酒店早餐係浪費咗個trip，因為法國boulangerie（即是bakery）的出品質素媲美香港酒店餅店。第一日我地隨意地入咗間boulangerie買咗啲飽同餅，２歐圓的pain d'olive（橄欖包），新鮮出爐，個crust脆卜卜，飽身鬆軟，帶點點橄欖香，仲要大過塊面，抵食到極。其他包如ciabatta都係好好食的，嗰種包的香味我依家都好深刻。同店亦有甜點出售，又係好好味。。。响巴黎食早餐真係件好幸福的事。

咁樣的早餐係咪有啲heavy呢呵！



至於法國名包baguette，因為個人喜好問題，所以冇食到。機緣巧合，食咗個好relaxing的afternoon tea。又係為咗避開啲scammers，費事响街周圍行。



法國的pâtisserie又係一絕，只係街坊餅店已經多款又精美，想試晒都應該要起碼兩星期（冒住勁增磅的危險）。款款都咁吸引，點揀啊？？






某日的午餐來咗呢間tripadvisor好好評的Les Degrés de Notre Dame，本身諗住食摩洛哥菜，但睇餐牌，都唔係？？？？？！！！！好係好多個問號，但將錯就錯，今餐就係bistro風的法國餐。這餐廳係旅館的一部份，招呼我地的係日本人（似乎都係旅館owner），响巴黎同日本人用法文點菜溝通，真係有點時地空交錯的感覺，食物都帶點日本風。



帶citrus酸甜的creme brulee，中和了甜膩感，很清新啊！



另一個美食亮點就係來自比利時的Leon。之前响比利時旅遊時都食過三兩次，又平又好味～～碓認了巴黎店質素都good後，我們翻卓了第二次，仲要係星期日晚的All You Can Eat之夜，無限添食，不限口味！試了好幾款mussels in pot，不同的醬汁不同風味，真係款款都各有特色。除了經典必試的白酒煮，Provencal蕃茄煮都好吸引啊。



當然唔少得Angelina馳名的Hot chocolate，濃如岩漿，天寒地凍飲返杯，人間樂事。



Last but not least，好多好多正blend的Tropicana果汁，唔計季節限定款，都睇到眼花。款色仲多過英國（印象中）。







我地都試咗秋季限量版：橙 + 柑，好好好清甜好飲！！！好想成箱搬返香港。




 再來就應該會講吓，呢個「難忘」的巴黎之旅，遇上小偷、入黑店。。等等的不幸事件。

弁当生活 :: 第一擊

返咗咁耐工都冇諗過帶飯返工。第一：唔鐘意隔夜飯餸；第二：唔鐘意微波爐翻熱食物；第三：懶得帶飯盒，公司附近總可以解決午餐掛。

但响呢頭返咗兩年多，餐廳選擇真係好少，四十幾圓一餐的都係食得頽，冇約人都係食大家樂，做咗大家樂常客無幾耐，開始頂唔順，令我認真諗諗帶飯的可能。依家唔帶飯的第三個原因己被推翻，接落來就諗諗點解決原因一同二。

經過一輪research，開始研究日本人的弁当，原來佢地的弁当係室溫食，唔會翻熱喎，啱晒我口胃。日本人又唔會將弁当擺响雪櫃，就算天氣熱，佢地有便當用的防菌膠膜，含wasabi等消毒成份（！！），放响食物面頭就可以有助防止細菌滋生，香港當然唔覺有得賣。但好好彩俾我搵到一個叫Gel Cool的日本品牌，佢的飯盒蓋有內置ice pack，咁唔駛放入雪櫃雪到凍冰冰，但又可以keep住食物cool唔變壞，個外型仲要幾靚吓，我本身都諗住買個好靚的日本飯盒提升自己的帶飯同食飯盒意慾，真係啱晒！！！


快快手place order，跟手訂多幾件便當accessories。非常efficient的服務，我只係揀普通air mail，一星期後就收到呢個日本寄來的包裹，好開心～～～～



包裹內容：
Gel Cool飯盒
蛋模（city'super都有得賣）
飯團模
silicone cup（見啲靚靚日式便當都有用呢啲架）



星期五收貨，我仲有個weekend諗諗可以整咩食。响等待包裹時，趁書店減價買咗呢本MASAの楽楽弁当，仲有参考吓之前買落的日本人妻食譜：




第一星期的便當生活，開始！


人生第一個弁当：自煮的三色豆雞球



冇餸唔知煮乜好。。。就咁hard boiled egg加少少木耳，有啲九唔搭八，唯有靠兔仔蛋搭救。



本來呢日唔諗住帶飯，但之前一晚返娘家食飯有好多飯餸淨，有得帶走。炒蛋呢啲乾身餸隔夜都可以，豆卜就太濃味又有汁，唔隔夜會好啲。。。



第一個星期帶咗三日飯，都不錯啦！但帶飯對我來講最困難係買一個人的餸，真係冇可能。買得多隔多日食菜同肉都不太新鮮，呢個真係要諗諗。

陳生慶生 :: 煮少少

因為陳生臨近exam，唔想出咁多街，生日當日去完黑暗中對話就啦啦臨返屋企閉關溫書，生日大餐自己煮簡簡單單就算。

staub蜂巢鍋特登留來陳生生日剪彩～煮咗摩洛哥風味couscous，落咗雞肉、chickpeas、洋䓤等等。



再嚟甜品，好味又簡單的apple crumble，又係剝皮砌粒用咗好多時間，有冇工具可代勞呢？？？



呢排肥咗好多。。。就用自家製blueberry muffin代替街買蛋糕吧。blueberry多到爆出嚟。大家都話好食但可以甜啲。下次要落多啲糖！



陳生慶生就講到呢度，下次都要blog返巴黎遊記，希望六月旅行前可以blog晒上次的旅程啦。

陳生慶生 :: 黑暗中對話

時間過得飛快，轉眼間就五月中了。剛剛過了陳生的生日，我懶神秘咁帶佢去了舊荔園的地點，佢完全一頭霧水，唔知我帶佢去邊做啲乜。這位置依家係個商場，好可惜我小時沒有去過荔園，唯有靠陳生的記憶，回味一下邊度係入口，邊度有小食賣。。。

懷緬完後便去我們的目的地：商場２樓黑暗中對話體驗館。陳生的頭頂好多？？？？？？？？啊。佢事後話我知以為係同我响黑麻麻的地方對話。。。其實，黑暗中對話係源自德國的社會企業（聽到德國，陳生雙眼發光呢），一個平台讓健全人仕代入視障人仕的角色，同時讓我們更了解視障人仕的點點。陳生响毫無心理準備的情況下，就進入咗全黑的體驗館。真是伸手不見五指的黑，即使我很努力張大眼四處望，但真係乜都睇唔到！

如是者用聽覺、觸覺，細意體會了幾個日常生活的場景，感覺既熟識又陌生；途中導賞員仲assign咗啲tasks俾陳生，陳生都冇失禮順利完成！可能於全黑的世界我們要更多時間探索及走動，75分鐘的旅程感覺就如半個鐘多少少， 很快就過了。

到最後一個場境，我地有機會坐低，同導賞員傾吓交流吓，陳生亦係到呢個時候，先知導賞員係視障人仕，陳生當時十分意外，佢一直以為導賞員戴咗紅外線眼鏡，因為導賞員唔止知道我地的位置提醒我地要行邊個方向行前幾多，佢仲要連陳生响邊個moment扶我都知（扶人係冇聲架喎！！！我都好意外，當然要問問導賞員點知啦）。雖然視障人仕體會不到色彩繽紛的世界，但換轉一個角度，去除視覺，不受花花世界影響，我覺得佢地更集中、心水更清，用心眼見到我地肉眼睇不到的。



今次的生日活動，很難忘呢！

lunchtime sogo 速行｛連本週靚粥｝

我唔係住銅鑼灣，又唔係銅鑼灣返工，但收到情報，好想買的Staub 29cm oval做緊promotion，所以lunchtime都專誠去sogo一趟。隻29cm Oval仲要連埋我冇但又想想地要的蜂巢煎炒鍋做一set，冒住俾陳生話的風險，都要帶佢地返屋企。

收貨了！29cm oval揀咗好有層次感的灰色；24cm sautee pan就係一直想買的茄子aubergine色，好完美的配搭！連埋已有的20cm round，呢個組合都夠晒用，可以暫時收手了。呢set嘢其實仲有兩隻Staub大碗送，但我地屋企太多碗，就唔開住喇。



已經plan好，過幾日用29 oval煲湯；5月中就用24 sautee pan煮陳生的生日大餐，好期待呀～～～


同場加映孖人牌砧板，之前同陳生行街時見佢望住塊板雙眼發光，我就搵咗個機會帶埋佢返屋企（我真係個體貼太太啊）。仔細望佢的點點竹紋，真係越睇越鐘意。




今個weekend跟咗本養生書煲淮山蕃茄瘦肉粥，話適合春天食用。呢個配搭好似好風馬牛不相及，但煲出嚟好好味呀！！！！！！大力推介～～～～

客串 :: 煮飯婆一週

返咗咁耐工，好似第一次自製留港的長假！之前每次請假都是外遊，今次終於試到留港放長假的滋味。我並沒有令自己失望，除了好好hea，趁閒日行街（永安、city'super），過過全職師奶生活，我也下了幾次廚，煮的都是簡單菜式，但都感覺不錯啦，終於有點當主婦的味道。

紅蘿蔔豬肉粥：買咗Staub後，我學識煲粥喇！之前真係一次都冇煲過，買了煲後煑粥的頻率激增。我地經常出街吃，有機會當然要吃清淡點，清清腸胃。我之前還買了本「養身書」，入面的粥食譜真是千奇百趣，當中的配搭之前諗都冇諗過，有機會一定要試煲。



Jamie Oliver教的15 minute carbonara：

跟JO的15-minute meal食譜煑的，本身係Chorizo carbonara，但我用咗奧地利芝士腸Kasekraner（係人間最美味的香腸啊），仲有JO教用low fat yoghurt代替cream整carbonara sauce，食得健康又美味。但始終驚食不太的熟蛋，所以都有加熱少少，令個sauce不太silky。



題外話，依家TLC台逢星期四晚７點播Jamie Oliver 15-Minute Meal，睇完佢的示範信心真係多啲，仲要佢一路講一路煮都不用15分鐘，如果熟手的話15分鐘上菜應該冇難度！而逢星期五晚７點半點就播Nigella's Kitchen，我响英國時都聽聞過呢位女廚神，她的食譜都好簡單，但devilish，冇JO的咁著重健康。但偶然都可以放縱一下自己。。。同埋，Nigella真係有種魅力，連我媽媽都好鐘意睇佢，我都係。。。

睇完呢兩位的節目，令我好想買樣嘢，下個月就係sogo thankful week喇呵呵呵。。。。。


亦因為放假得閒的關係，我上網搵到個好正的pancake食譜（係試咗另一個衰咗先搵到），簡單又易整，又唔駛分開打蛋白。製成品除咗個樣得之外，味道都好好，真係McDonald水準架！我諗住以後星期日都整pancake sunday brunch，咁我同陳生就唔駛出街食啦（星期一至五都日日出街食lunch，weekend真係唔多想出街「求其食」了）。



Last but not least，就係跟日本人妻邊惠玉學的馬鈴薯燉肉，又係懶人之選，切好材料加水同調味放晒入煲就搞掂。我地連飯都懶得煮，淨食餸，下次要記得落芋絲，更加飽肚呢。



再連埋上文的蛋糕，都煮咗唔少呢。已經好期待下次的煮婦週（雖然唔知係幾時）。

試做Rachel Khoo Citrus Fruit Cake - Quartre-quarts aux agrumes

復活節請咗四月頭星期的三日，自製長假！去完佛山有咩做呢？本想叫我媽媽來我家，跟她學整斑籣蛋糕。不是說笑，媽媽今年起碼做了二三十個斑籣蛋糕，經過多次的trial and error，到依家質感和味道都是無懈可擊的，依家食返新加坡Bengawan Solo出品的已覺得不好吃，不想吃（未食過香港美心的，所以沒得比較）。只可惜。。。媽媽這個星期外遊去，我的美夢泡湯了。

媽媽不在，唯有跟其他人學其他東西啦，所以今次試整了Rachel Khoo的citrus fruit cake，材料和做法都非常的簡單。
（不另外打材料list了，我在做法中highlight材料啦）


做法：
1. 先將1個橙和1個檸檬的皮磨成茸（finely grated zest)。（呢個磨咗我半小時，人都顛）
2. 將4隻蛋白和半份糖打至stiff peaks。（食譜話250g sugar，甜到喊，我估落幾多糖睇吓自己食幾甜啦）
3. 4隻蛋黄跟其餘半粉糖打至淺色及厚身（thick and pale in colour)。
4. 用另一隻碗撈勻250g plain flour、少少鹽、1 teaspoon baking powder及（1）。
5. 將（4）摺入（3），再加入250g煮溶牛油，mix well，再摺入（2）。
6. 放入已預熱至180℃焗爐，焗35 - 40分鐘。


這是Rachel的傑作：
 


我的拙作，不太差吧！！！




食後感：
1. 其實整嗰時已覺得太多牛油，下次會減份量。
2. 我怕很死甜的食物，所以我只是下了很少很少糖（共幾小匙）。但橙及檸檬茸的味很清新也夠味，太多糖反而會蓋了清新citrus味。（註：我口味很清淡的）


可以下次再挑戰這citrus fruit cake！

復活節短遊

連續兩年復活節都和家人到了Intercontinental Foshan「度假」，過了一個很悠閑的easter weekend。叉完電，又要面對現實繼續努力了。


因為想住得舒服啲感覺更似「度假」，我地book咗套房。中國酒店的套房絕對不會不夠空間。



陳生對著Intercontinental Foshan的千燈湖景溫書，據說事半工倍（對，度假都不忘溫書，真是個繁忙的都市人，好慘啊）。



又因為套房係club room的關係，基本上是包三餐，即是全日足不出酒店都絕對沒問題。
我便過著食 → 返房睇電視 → 睇書 → 食 → 電視 。。。的生活。
陳生比我積極少少，他的大概活動是：食 → 返房瞓→ 溫書 → 食 → 做gym → 溫書。。。希望他有增磅吧！

撞正NHK正在播放大河劇八重の桜，有綾瀨遙啊！！！！開心～～～


溫完書又去了酒店的bar，未到happy hour，沒有人，我們包場呢。



當然，真的沒可能足不出酒店。第一晚我們到了酒店附近的一間中菜廳吃晚飯，其中一道菜點了「山豬」，香港應該沒有吧，肉質跟平時的豬肉不太同，更加爽口有咬頭，好好吃啊！！！！！！希望不帶沙士病毒，但都是吃了先算。




我們也去了酒店對面的保利水城商場，入面有一間很大的Aeon永旺（沒什麼看，不逛也罷），也有間很迷你的書城，我們便入去八掛一番，當然就不會空手而回啦！書城的書架很矮，基本上正常身高的話無論多遠都會望到，不怕走散。



本來很想到酒店對面的千燈湖走走或者踩單車，但天氣不好啊～～舊年的天氣也不太好，結果去了兩次都沒機會逛這個人工湖。希望下次再訪時可以去啦！
也帶了泳衣準備游泳，但規定要帶泳帽。。。我們都沒有泳帽，所以又浪費了運動的機會。


同場加插廣洲的新境點「天空一號」。因為餐廳午市三點打烊，過了三時便熄燈！太過份。。。




也參觀了頂樓的貴賓廳，有天幕呢，也有IFC。一晚的最底消費五萬圓起，很暴發。



快樂的長週末很快就過了。