轉眼間就一個月冇update，轉眼間原來結咗婚半年！近排好多new addictions & distractions 所以搞到少少荒廢咗個blog但我記得仲差咩未寫嘅。
唔經唔覺做咗陳太半年喇，快樂的時間真係過得好快，婚姻生活比想像中更開心，我地原先以為會出現的磨合期共完全冇影，同陳生好自然地唔駛特登就得好辛苦都一齊生活得好開心，搵到個咁夾的伴侶，真係覺得好幸運，十分感恩
另一樣好開心的事，就係期待我地的週年旅行喇。其實，去完honeymoon返嚟冇兩個月就已經book咗機票喇....... 真係好急不及待又想起行。今次的行程（又係）維也納入，巴黎走。我實在太掛住維也納的cafes、美食、泉水、仲有我冇响christmas market 買到的東西，所以一定要再去！至於點解尾站係巴黎... 依家都唔係好記得，但暫定會plan一日day trip，從巴黎去brussels或者london，到時睇心情睇吓想去邊啦。但當然，去到巴黎梗唔可以錯過美食，要做吓research喇。
雖然仲有半年先出發，但已經整緊shopping list .... 好多嘢想買，呢期歐圓跌喎！！！
