巴黎七不愉快事件簿

這次的巴黎的遊記，我決定唔寫睇景點行街部份，反正巴黎景點未去過都知有乜，反而好想分享所發生的「不愉快事件」，因為我地成個巴黎旅程都頗不愉快！ 其實回想一下，呢個trip真係由頭黑到落尾，不得不信邪。

事件一：
今次的住宿，我們捨酒店而揀了租apartment。我們租住的apartment位於第四區Le Marais，地點方便至極，可步行至大部份景點。本來好地地，但入到單位打咗個突－實在太核突！！！同上網睇相好大分別！！！！就連厠所都好核突！！每晚返到單位都好唔開心。呢間「巴黎核突屋」令我同陳生都好難忘。

但apartment的門口好似Before Sunset女主角Celine的公寓啊～～～除此之外真係冇乜可取。





事件二：
呢件事都不算太不愉快，但即管記錄吓。話說我地响巴黎其間撞正香榭麗大道聖誕亮燈儀式。儀式傍晚六點開始，我地大約五點四十五分就响度等。啲嘉賓都陸續到來，但到六點０五分都冇聲氣開始。等多十五分鐘，腳開始軟了，都唔似就快開始，我地就放棄離開！心諗有冇搞錯，呢啲大型official活動都遲咁多。



事件三：
呢件事每次諗起都又嬲又唔開心！！我地遇上咗班福佳細路，中咗佢地招！！！！︿＆＊＆（＊（＆＆︿＆︿％︿％＄︿％＊︿＆＆！！！！！！！！！！！！！！＠＃％＄＃＠＃％＃＄︿％＄％＃％＄％︿％＄％︿＄＃％＄＃＄︿％︿！！！！！！！！！！！！！
（如想知咩事，可私留）


事件四：
我同陳生都不約而同腳痛！！！佢腳踝痛（痛到腫咗嗰隻），我就膝頭痛，每行一步都好痛 X 兩個人，鳴鳴鳴。。。


事件五：
我地計劃咗去凡爾賽宮當日，由市區去皇宮的列車停開。去到車站諗住問職員有冇其他車去，已經好好聲氣用法文問佢，佢都話班車冇開，冇架喇；另一班遊客用英文問佢，佢直情當聽唔到。態度差到冇人有。
解決方法：我地摶一摶，上咗架火車去有'Versaille'的站名，諗住點都去到附近掛。好彩俾我地撞中，呢個站都係响凡爾賽宮附近，只係行多十五分鐘。但我地腳痛喎。




事件六：
腳痛，就自然行得慢。巴黎的地鐵站好多都冇扶手電梯的，由月台行到出閘都有兩層樓咁高。某次我地响Île de Cité西堤站行上去出閘，用近乎蟻躝的速度，慢慢行上去（幻想吓兩個腳痛的人都已經行到好攰了）。行行吓，陳生覺得唔對路，擰轉一望，有幾個後生仔响度開緊陳生背包！！拉鍊已經拉開咗！！陳生即刻指住佢地高叫THIEF!!!!! THIEF!!!!! 佢地就舉晒手話Nothing，之後行返落月台（仲唔係賊？？？唔係上緊去出閘架咩，做乜倒轉行返落去）。好彩，我地冇損失，同埋遇到的只係九流扖手。如果我地遇的係專業扖手，以我地咁攰的狀態都應該得手了。但咁樣俾人開袋，真係嚇一嚇，好緊張。




事件七：
一不離二，衰開有條路。本來我安排咗蒙馬特山作為最後一日的行程。但經過咗事件一至六，都暗暗覺自己時運低，而蒙馬特山又係出名最多呢啲「事件」發生。雖然很可惜，但為咗安全同peace of mind，決定放棄呢個必遊景點，行吓街就算。但都俾我地遇到。。。（如果去埋蒙馬特山，會否有更差的事發生？？？）

好地地入咗一間餐廳食lunch。餐廳前半部分坐咗不少當地人，侍應帶我地入去冇乜人的後半部分，我地都不以為意。到點餐時間，我地各自點咗一個當日主菜Plat du jour，侍應話：With soup & salad，咁我地話OK。 到賬單來時，我地都好驚訝，點解點咗兩份（每份）十幾歐圓的Plat du Jour，加埋會變咗七十幾歐圓？？？

佢第一張俾我地的賬單，鬼畫符咁，真係唔X知佢寫乜，但總數就寫得好清楚。我地請佢俾過張電腦打印的單我地，等我地望吓點解變咗七十幾歐。


侍應都好識趣，放低賬單就快快趣行開咗，俾空間我地接受呢張賬單。我地起先呆咗，點解頽餐會食咗七十幾歐？？？問侍應後，先知原來自已點咗咁多嘢（問完佢嘢即刻閃咗去，身有屎咁）。

1. 兩份Plat du Jour，加埋廿幾歐
2. 我地叫佢拎清水，佢俾咗spring water
3. 沙律同湯的價錢，原來，佢係問我地'with soup & salad ?'，而唔係話我地知跟soup & salad，侍應幫我地揸主意，揀咗最貴的湯同沙律，加埋四十幾歐
4. 仲有不知明的收費，佢話係tax，但所有細項加埋同佢寫的總數都唔對。連加數都計唔好就呃人？？？？？？？？？

！！！！！！！！！！！！！！！！！！！！！！！！！！！！！怒！！！！！！！！！！！！！！！！！！！！！！！！！！！！！！(☄ฺ◣д◢)☄(☄ฺ◣д◢)☄(☄ฺ◣д◢)☄(☄ฺ◣д◢)☄(☄ฺ◣д◢)☄(☄ฺ◣д◢)☄(☄ฺ◣д◢)☄(☄ฺ◣д◢)☄(☄ฺ◣д◢)☄凸（￣へ￣）凸（￣へ￣）凸（￣へ￣）凸（￣へ￣）凸（￣へ￣）凸（￣へ￣）凸（￣へ￣）凸（￣へ￣）凸（￣へ￣）


之後越諗就越嬲，這次絕對不能妥協。我地商量好對策，就攞住賬單去到較多人的餐廳前部份同佢講數（大大聲講，等其他食客知呢間係黑店）。

1. 兩份Plat du Jour，加埋廿幾歐 ➩ 呢個當然有叫
2. 我地叫佢拎清水，佢俾咗spring water ➩ 我地叫清水，做乜俾spring water？
3. 沙律同湯的價錢，原來，佢係問我地'with soup & salad ?'，而唔係話我地知跟soup & salad，侍應幫我地揸主意，揀咗最貴的湯同沙律，加埋四十幾歐 ➩ 就算你問我地要唔要我地講咗OK，我地都冇話要邊一款沙律同湯，你點justify幫我地點咗最貴的沙律同湯？？
4. 仲有不知明的收費，佢寫係tax，但所有細項加埋同佢寫的總數都唔對 ➩ 呢個仲離譜，法國餐牌價錢理應含稅，你另外收稅，唔跟法例？？？仲有，你啲數加埋都唔啱，你張單錯！！

起初，侍應企硬。但我地都企硬，黑面，唔驚佢。講咗一輪，佢屈服，收咗我地４４歐，係兩份套餐的價錢。其實都係老屈，但冇辦法，我地差不多時候要出機場。同埋就算報警的話，警察都可能一樣黑底。我地條氣都唔多順，去咗tourist information centre反映我地被昆。職員聽到都替我們不值，搖晒頭。又醒咗幾個巴黎遊客生存小貼士（但我地都出機場了）。

之後就買多少少嘢，坐車出機場。check in, immigration，去到閘口前鬆一口氣，我們的旅程終於完結了！冇試過去旅行想快啲完。留多一日都唔知會有乜嘢事發生。

以後都唔想再嚟巴黎了！！！好彩我已經去咗第四次，真係more than enough，連陳生第一次去，都話唔駛再去（理念一致）。最多真係想買嘢的話，嚟個short day trip，買完嘢快快趣走，此地不宜久留！

食在巴黎

:: 號外 ::
先前提及我地响Vienna -- Zurich的火車俾車長笑笑口打劫。返到香港，仲係成腦問號，咩火車卡行行吓分開咗？真係唔明。陳生點咗我呢個秘書e-mail去ÖBB（奧地利火車公司）問個究竟，起碼知道啲火車做乜，希望下次唔好再做水魚。過咗好一陣都冇回覆，諗住人地都費事睬我地啦。。。點知過咗個幾兩個月失驚無神收到ÖBB回覆，但冇解釋，直接叫我地send返車長收我地錢的receipt，佢會reimburse返俾我地。邊有人打劫會開receipt，我地真係冇，佢就offer退返我地同佢買票的錢。但係，佢地只會refund去有IBAN的戶口，而香港的銀行戶口係沒有IBAN的。。。最後，排除萬難收返錢，留來做下次歐遊的旅費。問都唔問就退錢，ÖBB係咪都為意有唔少呢啲事發生呢？


本來一場去到巴黎都好想食吓米芝蓮美食，一心鎖定咗Le Meurice，只可惜訂枱時已經太遅；諗住冇得食正餐食吓high breakfast都好吖，佢話要留位俾酒店住客唔guarantee有位喎，唯有放棄，都冇mood再搵 / 訂其他米芝蓮餐廳，上tripadvisor睇吓有咩推介好過。


一日之計在於晨，我地响巴黎住apartment，所以冇酒店早餐，每日起身梳洗完就出街。但我地反而覺得响巴黎食酒店早餐係浪費咗個trip，因為法國boulangerie（即是bakery）的出品質素媲美香港酒店餅店。第一日我地隨意地入咗間boulangerie買咗啲飽同餅，２歐圓的pain d'olive（橄欖包），新鮮出爐，個crust脆卜卜，飽身鬆軟，帶點點橄欖香，仲要大過塊面，抵食到極。其他包如ciabatta都係好好食的，嗰種包的香味我依家都好深刻。同店亦有甜點出售，又係好好味。。。响巴黎食早餐真係件好幸福的事。

咁樣的早餐係咪有啲heavy呢呵！



至於法國名包baguette，因為個人喜好問題，所以冇食到。機緣巧合，食咗個好relaxing的afternoon tea。又係為咗避開啲scammers，費事响街周圍行。



法國的pâtisserie又係一絕，只係街坊餅店已經多款又精美，想試晒都應該要起碼兩星期（冒住勁增磅的危險）。款款都咁吸引，點揀啊？？






某日的午餐來咗呢間tripadvisor好好評的Les Degrés de Notre Dame，本身諗住食摩洛哥菜，但睇餐牌，都唔係？？？？？！！！！好係好多個問號，但將錯就錯，今餐就係bistro風的法國餐。這餐廳係旅館的一部份，招呼我地的係日本人（似乎都係旅館owner），响巴黎同日本人用法文點菜溝通，真係有點時地空交錯的感覺，食物都帶點日本風。



帶citrus酸甜的creme brulee，中和了甜膩感，很清新啊！



另一個美食亮點就係來自比利時的Leon。之前响比利時旅遊時都食過三兩次，又平又好味～～碓認了巴黎店質素都good後，我們翻卓了第二次，仲要係星期日晚的All You Can Eat之夜，無限添食，不限口味！試了好幾款mussels in pot，不同的醬汁不同風味，真係款款都各有特色。除了經典必試的白酒煮，Provencal蕃茄煮都好吸引啊。



當然唔少得Angelina馳名的Hot chocolate，濃如岩漿，天寒地凍飲返杯，人間樂事。



Last but not least，好多好多正blend的Tropicana果汁，唔計季節限定款，都睇到眼花。款色仲多過英國（印象中）。







我地都試咗秋季限量版：橙 + 柑，好好好清甜好飲！！！好想成箱搬返香港。




 再來就應該會講吓，呢個「難忘」的巴黎之旅，遇上小偷、入黑店。。等等的不幸事件。

Fifteen Amsterdam :: 愉快的午餐

上文提及：
轉眼間兩小時，是時候還車，我們便開快車返回車站。途中給我看見Jamie Oliver的餐廳Fifteen，之前在英國一直沒機會試，好想試啊！！！下次訪歐都不知何年何日，擇日不如撞日，我們泊好車便進內了，反正還了車也只是隨便找間餐廳吃。

餐廳很大，但只有幾枱客人（真替JO擔心。。），枱與枱之間有適當的距離，樓底高，空間感很強。加上無敵海景，很寫意。坐在舒適闊落的梳化位，我和陳生都很想hea整個下午，但時間有限，唯有留待下次吧。今次只能來個quick lunch～




host推介的頭盤，很好吃。




我們各點了一份意粉作主菜，可以選擇small / large portion，很貪心的點了兩份large portion，踏了整個上午單車需要補充能量嘛。果然沒選錯，兩份意粉都很好味，陳生的羊肉reginette意粉真是第一次見；而我的松露tagliatelle也很香，不一會便吃清光。



Reginette意粉近鏡，很funky的形狀！！！




美味的午餐當然不少得飯後甜品及咖啡（太好飲沒有拍照！）。Lemon mousse with seasonal fruits，很清新，加上seasonal fruits in wine jelly，為這一餐畫上完美的句號。




很悠閒的一頓午餐，很期待下次再來呢。

Amsterdam :: 天堂地獄一日遊

之前plan行程時已預留一天從巴黎day trip去另一個城市，本身陳生想去brussels或london，但買票前無意看到一則關於amsterdam的新聞，荷蘭政府會打擊amsterdam紅燈區，迷幻的紅色櫥窗數目已激減。一直覺得這紅燈區是其中一個令我很難忘的地方，所以極力慫恿陳生改變主意，於是，amsterdam一日遊成行了！

天未光便出發到Gare du Nord站，我們先要由apartment步行到Chatelet站。詭異的是，巴黎metro不一定有招牌的，入口又不一定在大街。清晨五時許，我們找車站時也遇到問我們車站在哪的人（我們明明就是遊客！真奇怪）。幸運遇到位當地人告知站入口在哪，。。。但這入口就算經過都不會為意是通往車站的。

無驚無險去到Gare du Nord，自助取票後便周圍逛逛，很懷舊的班次顯示牌！歐洲火車站就像時光機，把時光凝住。



從法國穿過比利時（經過原本要去的brussel-zuid），大概三小時的車程後便到達amsterdam centraal。天氣有點冷，但天空很藍，很舒服的天氣！據說東京站的設計是參照amsterdam centraal，我也覺得頗相像呢。



第一個行程就是租單車遊eastern islands。職員教我們如何鎖單車，試了一回我們便出發了。 天朗氣清，真是踏單車的好日！



漫無目的踩到一個寧靜的住宅區。這樣的居住環境，在香港一定是天價了。每間屋都與別不同，還有特色小橋。。。人間天堂啊，令我這個觀光客非常羨慕。




本想帶陳生看特色大橋，但找不到呢。。。 但都係好幾條特色小橋。




轉眼間兩小時，是時候還車，我們便開快車返回車站。途中給我看見Jamie Oliver的餐廳Fifteen，之前在英國一直沒機會試，好想試啊！！！下次訪歐都不知何年何日，擇日不如撞日，我們泊好車便進內了，反正還了車也只是隨便找間餐廳吃。



吃飽飯更有氣有力，不一會便返到租車處。接下來我們便會跟著我事前download的walking tour路線，漫步amsterdam，感受她迷人的氣息。





這就是全amsterdam最窄的屋！不知怎住人呢。
a


本想找上次去過的department store，有很大的food hall，但上次是跟朋友去沒有自己認路，今次找不到了。。。行行吓就到咗Bloemenmarkt 即是flower market。



十一月尾的歐洲很快便天黑，這個時候我們往紅燈區途中，好緊張啊～～沿途有各式各樣的奇趣小店。




見到這紅燈，便知到禁區了。



純潔的天鵝在邪惡的紅燈區，很詭異的畫面。



當然，我們沒可能為紅燈女郎拍照，我就八掛目擊了男和女的如何交易成功（有位黑人男子盯著一位黑人女子好一陣子，魂魄都像被攝了，男跟女的說了一兩句便衝了入女的房間！！）。但我真的很想知他們如何講價，很想派陳生放蛇，但他沒有心理準備，而且他的樣貌又儍又正氣，可能人家一眼便看得出他在混吉。

在紅燈區巡了好幾個圈，女的數目真的比我上次來時少了很多啊！逛多一陣便差不多時候回centraal station，結束短短的一日遊。這天好像沒吃晚飯呢。