happy cotton anniversary 20.11.2013 ʕ•̬͡•ʕ•̫͡•♥

轉眼間就兩年，我成日都話開心的時間過得很快。因為陳某學業為重的關係，今年同明年的anniversary相信都會响香港渡過，雖然有少少失落冇得去維也納的christmas market，但都好開心！！

20號當日中午就出去食飯，之後不停行街、食，就快聖誕大家的購物意欲都好高漲（！），但是日重點係晚飯，去兩年前擺酒的venue明閣。

今晚的menu，一個月前book枱時已經揀好。



訂枱時要求窗口位，就係為咗呢個朗豪坊景。雖然依家好少好少去朗豪坊，真係好怕咁多自由人，但其實呢個地方對我同陳某意義重大呢。



今晚的美食：




作為豆腐魔，我最喜歡的係松露千層豆腐同甜品之一的豆腐芝麻凍布甸；豆腐加上松露的有畫龍點睛之效，而豆腐芝麻凍布甸的豆腐味好香好香，仲有我最愛的黑芝麻～ 但其實個竹笙清湯都非常讚，很鮮甜濃味，每滴都係精華。其他冇點名的都好好味，乳豬脆、龍蝦又彈牙爽口，呢餐非常滿意。


不能少的合照。



埋咗單諗住行，點知仲有surprise！係明閣俾我地的anniversary treat，炸杏片香芒卷。



what a happy and sweet ending to a wonderful day，如無意外我地明年都應該去明閣架喇。。。其實1120响香港的話都會返嚟明閣。（我地真係好悶專一架hehe....）