平安夜的不速之客

平安夜當日公司只辦公半天（太好了）。下午返到家開始準備當晚的平安夜大餐時，有位不速之客打來，話想今晚join我同陳生一齊食飯。我不以為意以為呢位「客人」講笑，就叫佢預今晚七點幾開飯啦。到了六點幾我準備得如火如荼時呢位「客人」再次打嚟confirm晚飯時間！吃一驚！起初真係有啲難接受，一心諗住二人世界的嘛。但諗諗吓又冇所謂啦，都係加雙筷。陳生七點半放工返到就開始我地的三人平安夜大餐了。

我的廚藝只係低B班，見笑了。感謝陳生前一天幫我做咗啲準備功夫等我好快就可以搞掂～～


湯：雜菜湯
前菜：瑞士汁雞翼
主菜：肉醬意粉
甜品：朱古力蛋糕






仲有「客人」帶來的超甜多汁消滯西柚同清潤雪梨，我準備的提子都第二日先食了。當然唔少得的就係飯後花茶，飲完好好瞓架！


講咗咁耐，呢位客人就係。。。。。*drum roll* 我媽媽了。今次係媽媽第一次食我煮的食物！希望佢覺得還可以啦。


同場加映：聖誕特別版espresso




今年的聖誕特別開心啊。