蜜月尾站 :: munich & beyond

離開innsbruck就去到我地的尾站--Munich。其實話我地去munich又唔多正啱，只係我地會去neuschwanstein新天鵝堡同nuremberg，所以以munich作為基地出發，實質逗留munich只係上機前的大半日。

首先，我地去咗新天鵝堡，從munich坐火車去fussen再轉程巴士就到喇。新天鵝堡相信大家都見過，都懶得post相了，最無奈係我地去到時其中一個塔維修緊，所以自己影到的相都不太靚，好可惜啊。。。

參觀新天鵝堡內的門劵係預先响網上book，去到城堡山腳的ticket office pick up，之後就慢慢行上山。。。當係晨運都好。陳生仲有呢個lindt cherry + chilil 朱古力充飢！




到咗預約時間，就要排隊入城堡，到時係會响鐘的，有啲似返學小息完時響鐘。。。

入面當然係唔俾影相，但真係好值得去的，我去過咁多個城堡，最有印像就係呢個，可能係tour guide講得好生動，我又有專心聽。一個喜歡天鵝的國皇，最後落得悲劇收場。而國皇又同著名opera writer Wagner好熟，城堡內有幾個chamber都係devoted to wagner's opera，將我認識的人物時代串起，成件事變得立體，體會特別深。


同晚去咗間雜誌介紹的法國餐廳 ^___^


我的三文魚加陳生的鹿肉，仲有鮮魚忌廉湯，每樣都非常美味，尤其係個醬汁！texture同味道都控制得非常好。價錢同香港法菜比仲好相宜，食得好開心！！！


第二日我地去咗nuremberg睇全德國最大最靚的christmas market，由munich出發，都坐咗頗耐車先到（事隔咁耐真係唔記得坐咗幾耐添。。。）



最吸引我目光的就係呢啲喇。。好精緻！有玩開玩具屋嗰啲好有可能大出血！



仲有好靚的gingerbread men，好有童話感覺啊！



仲有睇得又好味的半米熱狗 



munich的食物好麻麻。。。姑且for the record post一張。好肥的豬肉！！！



臨上機的一日就留响munich sightseeing，食邊款做早餐好呢？



shopping time!!!




都係行吓christmas market。陳生見到呢啲，雙眼發晒光。。。




飲埋杯咁正的beverage--Lindt自家出品mocha & hot choc，蜜月旅程就完結了 

見住支choco spoon融化，心情有點點失落。。。


：：：手信篇：：：
响Lindt買咗過千元朱古力，派埋俾人，食到依家都未食完！！

好喜歡呢個雪球 ^__^



nuremberg買的mini x'mas tree，啱晒小小的蝸居

半年期待 :: 週年遊

轉眼間就一個月冇update，轉眼間原來結咗婚半年！近排好多new addictions & distractions 所以搞到少少荒廢咗個blog但我記得仲差咩未寫嘅。

唔經唔覺做咗陳太半年喇，快樂的時間真係過得好快，婚姻生活比想像中更開心，我地原先以為會出現的磨合期共完全冇影，同陳生好自然地唔駛特登就得好辛苦都一齊生活得好開心，搵到個咁夾的伴侶，真係覺得好幸運，十分感恩



另一樣好開心的事，就係期待我地的週年旅行喇。其實，去完honeymoon返嚟冇兩個月就已經book咗機票喇....... 真係好急不及待又想起行。今次的行程（又係）維也納入，巴黎走。我實在太掛住維也納的cafes、美食、泉水、仲有我冇响christmas market 買到的東西，所以一定要再去！至於點解尾站係巴黎... 依家都唔係好記得，但暫定會plan一日day trip，從巴黎去brussels或者london，到時睇心情睇吓想去邊啦。但當然，去到巴黎梗唔可以錯過美食，要做吓research喇。

雖然仲有半年先出發，但已經整緊shopping list .... 好多嘢想買，呢期歐圓跌喎！！！

阿爾卑斯 :: 奧地利 :: 再見

blog咗咁多篇wedding不如轉返去blog吓honeymoon for a little break. 離開salzburg，下一站就係山城innsbruck。今次我地响中途站中車，好好彩搵到兩個連位，仲要唔係倒後行，因為架火車都幾係多人，相信我地遲多少少上車就應該要企兩粒鐘喇！！一路坐火車太陽都開始落山，睇住magic moment坐火車真係好寫意（可惜咁靚的magic moment相機係capture唔到）。好快就天黑，同陳生吹下水兩粒鐘的車程好快就過。

落車後就行去酒店，成段路行十分鐘度，直行轉左就到，一啲都唔難搵。呢間就係莫扎特都住過的weisses kreuz (white cross) hotel！好喜歡佢實而不華的裝横，間房又夠大，仲有多個「粒」位放行李，個shower仲要係honeymoon咁多間酒店最猛水，非常好！！放低行李再稍稍plan吓後，我地就出去行了。而家天黑睇唔到，唔知座山係咪snow-covered呢？聽朝就知喇。



行咗christmas market一陣，响臨收檔前買咗啲嘢食，填吓肚當晚餐（唔知點解嗰時冇乜胃口食嘢？！）。聽朝都諗住早起，快啲沖個靚涼就瞓喇。


early bird gets the worm，酒店的早餐都係最最最豐富的~~~~ 早餐枱的陣容好強勁啊！！



補充完能量，又開始周圍行，响河邊食吓西北風，影吓相，好喜歡冬晨的斜陽，亂咁影都係非常靚。



登山時間到。本身係坐纜車上車，但誤打誤撞下，又行咗一段山路 ..... 陳生仲識咗個當地朋友。話說，呢位朋友住呢頭（真幸福），每日都行上行落來回兩三次。好健康的生活啊。



山腰小屋，好有童話感覺 



上到山頂睇風境，廢話少講，睇相！２２５６米。對面的山頭有成三千幾米高㗎。



睇到咁上下，落返去１９０５米，食個下午茶＋西北風，順便睇日落。



innsbruck的美食




sacher cafe都去咗兩次！離開奧地利就要同呢啲cafe say good bye lu 



last but not least, 一定要分享的，就係。。。奧地利的自來水原來源自阿爾卑斯山的泉水（做行程research時發現），响奧地利咁多日，每朝起身必做的就係開水喉，嚟一杯冰涼清甜的阿爾卑斯山泉水，飲到咁好飲的水，即刻覺得好幸福。但一過境到德國，啲自來水即刻變做鐵銹水味，好難飲！！！

所以，如果大家有機會去奧地利的話，一定要飲佢的自來水！切記！

好快，我地就要離開美麗的奧地利，坐火車到德國去！

遊走 :: salzburg

離開咗美好的維也納，坐兩小時火車就到我的下一個目的地—Salzburg。這城市出名在於
1. 莫扎特的故鄉
2. 古城列入UNESCO世界遺產

為咗感受氣氛，我地順理成章就book咗間位於古城小街的酒店喇。

我地買咗salzburg card，係包晒市入交通同所有博物館 / attractions的入場費，我地當然唔會浪費啦。結果我地去咗：


1. Mozart birthplace – salzburg必去，但去完覺得有啲呃錢，冇乜嘢睇
2. Mozart residence – 多嘢睇mozart birthplace 啦


3. 坐纜車上salzburg fortress – 上面望落去，salzburg風光如畫



4. Toy Museum – 一間真係target小朋友的museum，有趣~~



5. Panorama Museum – 定期有不同主題，今次的主題咁啱就係the sound of music 仙樂飄飄處處聞，原來佢地當時已經去美國演唱喇！真係唔睇唔知



6. Salzburg Museum – 睇返幾百年前salzburg景觀的畫，不得不讚嘆真係保存得好好！！
7. Baroque Museum – 一間收藏巴洛克時代手稿的museum。每逢睇到呢啲藝術品（無論靚與否），都好敬仰當年的人對自已專業（profession）同信仰的專注，自己都不禁有一絲慚愧 …

只要仲响奧地利我地當然唔會錯過café啦。終於有機會一嘗sachertorte，但更加難忘的係sacher hotel Salzburg posh but not pretentious 的氣氛，我地仲好好彩坐到窗口位，睇住天空慢慢變暗 … 遺憾的係，唔記得叫侍應幫我地影張好少少的合照！到第二日下午（星期六）我地想再去都已經太多人冇位喇，希望有機會去sacher hotel VIENNA!





我地亦有去café demal，一間對住mozart square的café，又有窗口位坐，喜歡佢contemporary的décor，仲有款式超精美的蛋糕，就連我冇選擇困難症都覺得好難揀。 （但結果揀咗好行的chocolate mousse cake ....）




Salzburg嚟到呢到差不多。好慶幸，响維也納過咗四日灰灰懞懞的gloomy days後，可以响salzburg感受冬日的陽光、清晨的斜陽、清新清涼的空氣、城裡悠閑的氣氛，令蜜月的愉快心情一直延續。




期待下一站--INNSBRUCK