離大日子只剩下少於兩個月，相信煩事都開始嚟料（嚟緊星期六就已經foresee到有啲麻煩 ... 希望係我庸人自擾）。係時候脫離現實一陣子，個心飛返去N年，離香港九千幾公里外的 ..... 阿姆斯特丹。
極喜歡這地方。當年去完之後即刻上網search吓當地的大學有冇啱自己的short course / master course。最後當然 .... 冇成事
， 但真係好想去住吓，徹底感受一下呢個城市新舊共融、亦正亦邪的氣息。
去到amsterdam上空，見到地面白茫茫一片，同行友人即刻好擔心市面運作停頓。
出到市區，火車站一出就係dam rak -- amsterdam的彌敦道，依然熱閙，只不過係凍啲同有雪，行路要小心啲。
我地住的客棧叫orange tulip hotel，位處dam rak，入面格局真係嚇親人。學生就冇乜所謂，但依家年紀都咁上下，唔想住啲咁核突的旅店喇。
（信我，實境比相核突好多倍
）
眾所周知，amsterdam地理特殊，梗有一條運河响左近，構成其獨特的城市風光。
當時天氣真係非常寒冷，連相機都開唔到，所以都不太多戶外相。呢個情境超sweet & warm，我都想機會同老公仔女一齊砌雪人啊！！
周圍都好多雪人，呢個國家的人真係享受熱愛生活。
我都忍唔住have some fun!!!
我地首先去咗一個人工島，呢個住宅區好值得一遊，因為啲建築都好有特色。
前面的橋有個朵，叫...... 蠎蛇橋，似嘛？
唔知係咪鋪雪的關係，我上咗呢條橋後太驚行唔返落嚟，腳都震埋（傻咗咁企响橋頂）。。。。
唔知大家睇得清楚冇，呢條街間間屋都唔同樣架，據聞呢啲屋都係屋主自己設計的，同香港相比，完全係兩個世界。
呢個設計超絕！！（你睇我唔到.....
）
呢個係老人院！！落地玻璃！！！
嚟得荷籣梗係要試吓人地的國粹啦....
最新鮮的啤酒，即製即飲。
我地當然冇錯過當地的花市啦！
好colourful的手信店，賞心悅目。就算真花難keep，木製的都可以留為紀念啊（真花８歐圓５０支，假花１歐圓１枝）。
睇完竼高的畫作，出到嚟變咗飄雪樂園。
當然唔少得去紅燈區。不明文規定不可拍照，否則後果自負。但去到嗰邊，氣氛同大街很不同（真係好似另一個世界咁），相信唔係嫌自己命長的話都唔敢舉機。
快樂的時間真係過得快，短短兩日兩夜的旅程就完結了。呢個地方係必定要再訪的！！！！
所以呢篇blog係獻俾佢 -- 同我另外幾位咁啱咁橋近年都去咗花都旅遊的姊妹團。
，但响歐洲食就好平，仲要超美味
