週年遊 :: shopping wish list

不經不覺，今日已經係九個月紀念日，仲有兩個多月我地的週年遊就出發喇！！ 係時候諗諗想買乜，依家歐圓唔算貴，好多嘢都抵買過香港好多啦。

• 一定要買：vienna christmas market 的 advent calendar!!! 舊年去時冇買到，亦都係返兜vienna的其中一個原因。
• LINDT!!! 朱古力，朱古力，朱古力，好多味同款香港都唔見有，我呢個chocolate junkie食咗成年都未覺得厭。
• RODY!!! 雖然香港都有，呢期Babies'R'us仲要做緊９折，但會唔會有機會歐洲平啲呢？到時行多啲百貨公司嬰兒部同玩具店先。

• 欠陳生的生日禮物，已經鎖定目標，希望快快搵到。
• 有諗過買個staub...... 但咁鬼重，真係攞嚟托喎。 

好喜歡aubergine呢隻色，但唔想有「因為買咗個煲，所以要多啲下廚」的壓力......... 隨緣吧（今年夏天以來都冇煮過飯。。。）

• 一場去到瑞士，好想買返隻手錶戴吓吖。。。
• Melvita!!! 都唔知係香港貴到喊定係歐洲平到喊，總之嗰邊就抵買啦！貨品種類又多啲。
• 反而同集團的l'occitane價錢同香港又差唔遠，咁奇怪，有平的話都好想買。
• 行巴黎的舊書店，會唔會搵到啲舊版名著呢？

暫時諗到咁多，行李都未有耐超重嘅。

Nothing to Envy。我們最幸福

作者一開始從二十世紀初講起，講到朝鮮戰爭，南北韓分裂，就開始插入不同「脫北者」的故事。６位主角來自不同背境不同階層，但都係生活於這鐵幕國家，一同經歷了１５年的混亂時代：金日成逝世、飢荒，然後有各自的原因同方法離開北韓。

呢本都算係我近年最快睇完的一本書，節奏快、冇悶場。最吸引我的係當中荒謬但真實的情節。睇呢本書前我冇特別了解過共產國家其實如何，但睇到某啲位簡直覺得匪夷所思，原來操控人民的思想，並不是一件太難的事，但作為一個旁觀者，真係覺得無比心寒。腦子被洗得tup tup hum的都算罷，最慘就係一少部分人暗地裡感到不對勁，又或者直情知道世界並不如你「應該」所認識的，深深感受到這種令人心痛的無助感，但又如何？there is nothing you can do。中學時書上有句嘢，ignorance is a blessing in disguise，嗰時入世未深唔知句嘢想點（當時真係好puzzled），但依家深深明白了，乜都唔知，盲目的相信「我們最幸福」可能真係開心啲。


基本上書中各主角於書中的結局都係一樣的：離開北韓，用唔同的途徑去到南韓，展開新生活，從此脫離恐怖的政權。但各位主人翁的下場並不是理所當然的happily ever after。自由的代價，就係你唔會知道幾時先可以和最愛的子女、父母、愛人再見，暗地你知道答案係「永遠」（除非北韓政權於他們的有生之年瓦解）。更甚的是，仍在北韓的親人很大可能因為你「變節」而被送去勞改。能從飢荒中活下來，本身就是很可怕的回憶，書中主角為了求生，迫於本能要收起人性美好的一面，變得麻目不仁，當自己都冇啖好食又點可能分享？他們都「做了」或「冇做」某些事先可以生存至今，往事就如一場永遠都發唔遠的惡夢，良知永遠受到責備。





讀畢此書，不禁問自己：如果我生活於這國度，我會係被洗腦的，定係清醒的？我會唔會質疑這「美好」的世界，從小到大被灌輸的價值觀同世界觀？我有冇勇氣逃亡？我會唔會想知道自己百份百信任的國家、絕對崇拜的dear leader，原來係一個又一個的政治謊話？接唔接受到自己被政府背叛的殘酷現實？


作者的敘述相當細緻，雖然情節上好多催淚位，但文筆中立不搧情，作為認識呢個國家的入門，值得一看。

超人氣店家成功開業指南。

從來都覺得閱讀係一個好的習慣，細時暑假阿媽都會帶我去圖書館hea，都係美好的童年回憶一部份。一直到讀大學時都可以keep住on and off 睇吓書，但返工係的時間簡直就唔見駛，雖然我都會keep住買書，但睇書的時間少之又少，呢個item年年都係我的new year resolution list，今年總算好少少，我响12Q3睇完一本書啊！！！真係要keep住至得。為咗鼓勵自己多啲睇書，開返個blog分類俾佢先，如果一年後都係得一兩篇post，好肉酸架嘛。

呢本書係响香港誠品買的，開業３週後就貢咗去，仲要特登早少少，星期六朝早十一點前就去到了（對我嚟講已經好早架喇）。人流都唔算少但總算有位行。因為今次有target，所以好快就買咗本書返去。





某日放日返到屋企，天仲未黑，順手攞起本書睇，加埋窗台的斜陽，感覺非常好（可能只係差杯咖啡）。雖然我都冇乜可能會開自己的小店，但睇到書中的店主如何充滿理念，賣包的每日零晨１點半起身搓麵團、賣古物的去英國尋寶、熱愛攝影的開晒相店 + cafe & shop 等志同道合的人可以一路等曬相一路hea，與同道中人交流．．．可以為實踐自己的夢想而努力，將自己喜愛的事物同人分享，係一件令人興奮鼓舞的事。

睇到咁上下，又係時候返娘家食飯，重投現實的懷抱。

同系列有另一本專講咖啡店，下次行開誠品睇吓仲有冇先。

蜜月尾站 :: munich & beyond

離開innsbruck就去到我地的尾站--Munich。其實話我地去munich又唔多正啱，只係我地會去neuschwanstein新天鵝堡同nuremberg，所以以munich作為基地出發，實質逗留munich只係上機前的大半日。

首先，我地去咗新天鵝堡，從munich坐火車去fussen再轉程巴士就到喇。新天鵝堡相信大家都見過，都懶得post相了，最無奈係我地去到時其中一個塔維修緊，所以自己影到的相都不太靚，好可惜啊。。。

參觀新天鵝堡內的門劵係預先响網上book，去到城堡山腳的ticket office pick up，之後就慢慢行上山。。。當係晨運都好。陳生仲有呢個lindt cherry + chilil 朱古力充飢！




到咗預約時間，就要排隊入城堡，到時係會响鐘的，有啲似返學小息完時響鐘。。。

入面當然係唔俾影相，但真係好值得去的，我去過咁多個城堡，最有印像就係呢個，可能係tour guide講得好生動，我又有專心聽。一個喜歡天鵝的國皇，最後落得悲劇收場。而國皇又同著名opera writer Wagner好熟，城堡內有幾個chamber都係devoted to wagner's opera，將我認識的人物時代串起，成件事變得立體，體會特別深。


同晚去咗間雜誌介紹的法國餐廳 ^___^


我的三文魚加陳生的鹿肉，仲有鮮魚忌廉湯，每樣都非常美味，尤其係個醬汁！texture同味道都控制得非常好。價錢同香港法菜比仲好相宜，食得好開心！！！


第二日我地去咗nuremberg睇全德國最大最靚的christmas market，由munich出發，都坐咗頗耐車先到（事隔咁耐真係唔記得坐咗幾耐添。。。）



最吸引我目光的就係呢啲喇。。好精緻！有玩開玩具屋嗰啲好有可能大出血！



仲有好靚的gingerbread men，好有童話感覺啊！



仲有睇得又好味的半米熱狗 



munich的食物好麻麻。。。姑且for the record post一張。好肥的豬肉！！！



臨上機的一日就留响munich sightseeing，食邊款做早餐好呢？



shopping time!!!




都係行吓christmas market。陳生見到呢啲，雙眼發晒光。。。




飲埋杯咁正的beverage--Lindt自家出品mocha & hot choc，蜜月旅程就完結了 

見住支choco spoon融化，心情有點點失落。。。


：：：手信篇：：：
响Lindt買咗過千元朱古力，派埋俾人，食到依家都未食完！！

好喜歡呢個雪球 ^__^



nuremberg買的mini x'mas tree，啱晒小小的蝸居

半年期待 :: 週年遊

轉眼間就一個月冇update，轉眼間原來結咗婚半年！近排好多new addictions & distractions 所以搞到少少荒廢咗個blog但我記得仲差咩未寫嘅。

唔經唔覺做咗陳太半年喇，快樂的時間真係過得好快，婚姻生活比想像中更開心，我地原先以為會出現的磨合期共完全冇影，同陳生好自然地唔駛特登就得好辛苦都一齊生活得好開心，搵到個咁夾的伴侶，真係覺得好幸運，十分感恩



另一樣好開心的事，就係期待我地的週年旅行喇。其實，去完honeymoon返嚟冇兩個月就已經book咗機票喇....... 真係好急不及待又想起行。今次的行程（又係）維也納入，巴黎走。我實在太掛住維也納的cafes、美食、泉水、仲有我冇响christmas market 買到的東西，所以一定要再去！至於點解尾站係巴黎... 依家都唔係好記得，但暫定會plan一日day trip，從巴黎去brussels或者london，到時睇心情睇吓想去邊啦。但當然，去到巴黎梗唔可以錯過美食，要做吓research喇。

雖然仲有半年先出發，但已經整緊shopping list .... 好多嘢想買，呢期歐圓跌喎！！！

阿爾卑斯 :: 奧地利 :: 再見

blog咗咁多篇wedding不如轉返去blog吓honeymoon for a little break. 離開salzburg，下一站就係山城innsbruck。今次我地响中途站中車，好好彩搵到兩個連位，仲要唔係倒後行，因為架火車都幾係多人，相信我地遲多少少上車就應該要企兩粒鐘喇！！一路坐火車太陽都開始落山，睇住magic moment坐火車真係好寫意（可惜咁靚的magic moment相機係capture唔到）。好快就天黑，同陳生吹下水兩粒鐘的車程好快就過。

落車後就行去酒店，成段路行十分鐘度，直行轉左就到，一啲都唔難搵。呢間就係莫扎特都住過的weisses kreuz (white cross) hotel！好喜歡佢實而不華的裝横，間房又夠大，仲有多個「粒」位放行李，個shower仲要係honeymoon咁多間酒店最猛水，非常好！！放低行李再稍稍plan吓後，我地就出去行了。而家天黑睇唔到，唔知座山係咪snow-covered呢？聽朝就知喇。



行咗christmas market一陣，响臨收檔前買咗啲嘢食，填吓肚當晚餐（唔知點解嗰時冇乜胃口食嘢？！）。聽朝都諗住早起，快啲沖個靚涼就瞓喇。


early bird gets the worm，酒店的早餐都係最最最豐富的~~~~ 早餐枱的陣容好強勁啊！！



補充完能量，又開始周圍行，响河邊食吓西北風，影吓相，好喜歡冬晨的斜陽，亂咁影都係非常靚。



登山時間到。本身係坐纜車上車，但誤打誤撞下，又行咗一段山路 ..... 陳生仲識咗個當地朋友。話說，呢位朋友住呢頭（真幸福），每日都行上行落來回兩三次。好健康的生活啊。



山腰小屋，好有童話感覺 



上到山頂睇風境，廢話少講，睇相！２２５６米。對面的山頭有成三千幾米高㗎。



睇到咁上下，落返去１９０５米，食個下午茶＋西北風，順便睇日落。



innsbruck的美食




sacher cafe都去咗兩次！離開奧地利就要同呢啲cafe say good bye lu 



last but not least, 一定要分享的，就係。。。奧地利的自來水原來源自阿爾卑斯山的泉水（做行程research時發現），响奧地利咁多日，每朝起身必做的就係開水喉，嚟一杯冰涼清甜的阿爾卑斯山泉水，飲到咁好飲的水，即刻覺得好幸福。但一過境到德國，啲自來水即刻變做鐵銹水味，好難飲！！！

所以，如果大家有機會去奧地利的話，一定要飲佢的自來水！切記！

好快，我地就要離開美麗的奧地利，坐火車到德國去！