慢步 :: 寒雨．巴黎

某年三月，心血來潮想自己一人遊巴黎（其實係懶得約人夾時間）。同好友傾開，佢都想一齊同遊巴黎喎，太好了，一人出發變成二人同行。難得的係N年後呢為好友成為我結婚其中一位姊妹 ....  所以呢篇blog係獻俾佢 -- 同我另外幾位咁啱咁橋近年都去咗花都旅遊的姊妹團。

遊記志在紀錄當時心情，所以冇乜資訊可言 

晨早五點就去咗london waterloo station坐eurostar去巴黎

（依家坐eurostar london side已經係去st pancras，唔駛十年人事已經幾番新）

車上享用的早餐：好難唔係我最愛的marks & spencer，豐富又好味

三小時的車程傾吓計轉眼就過，加埋時差去到巴黎車站gare du nord都九點幾了

當時冇人plan過啲咩行程 .... 一心諗住選擇性地行吓啲最最最主要景點（巴黎的主要景點都好多），第一站就係 .....

聖心教堂．蒙馬特

要行長長的樓梯先到，好彩我有食早餐

見到了 .......

晨咁早就有學生鴨仔團到此觀光（高處望巴黎的景觀冇行响街咁靚）

响教堂行咗一陣就由另一邊行落山了

當我在蒙馬特，看不見滿街的馬戲 ..........

呢幅相。。好荒涼啊... 當日的天氣就好似呢幅相。成日都天濛濛、雨紛紛、仲要加埋刺骨的寒風

去到呢個位，有幾個攞條繩的黑人行近我地，好彩去之前咁啱聽收音機，知道巴黎遊客區有呢啲人，佢地攞住條繩，你上當的話就會俾佢地用繩綁住你手指，想走的話就要擺低好幾十歐羅喇。儍更更的我如果唔係事先知道，一定會中招 

去到山腳，又多返啲人

行到咁上下都肚餓，係時候醫肚喇 

main course: 牛肉他他（即是：生免治牛肉），聽講响香港好貴，但响歐洲食就好平，仲要超美味

dessert: 希望會遇到比呢客更好味的creme brulee，暫時都未

食飯的地方就响galeries lafayette老佛爺百貨公司對面，所以食完飯我地就入去望吓，個頂好靚啊！！！

行完老佛爺後就搭車去Île de la Cité。睇電影同中學時讀小說得知，呢區係法院區同有個大型的花市。

仲有著名景點：notre dame

notre dame真係一幢極精美的建築

大家有冇發現呢幅相有啲咩古怪地方？

開估：响呢堆怪獸當中，有個人型！！！據說係設計呢幢教堂的建築師本人，信不信由你。（但呢個人樣响怪獸中真係好得意）

行完教堂就搭metro去下一個景點

「到此一遊」@ 羅浮宫

之後就冒住寒風同微雨一直行

一直行。。。

行咗好大段路，去到place de la concorde

左邊的塔就係巴黎鐵塔，亦係是日高潮位

place de la concorde再行前就係著名街道

avenue des champs-elysées 香榭麗舍大道

閒日的香榭麗舍大道冇乜人，好悠閑呀（仲要嗰時未有自由人入浸歐洲）

行咗都起碼半小時，走咗入香榭麗舍大道其中一間café，食個tea

入鄉隨俗，我點咗杯rosé，優雅一番 

LV香榭麗舍大道總店，我地過門不入

途經的一檔書報攤 + 真正的巴黎女人背影

行吓行吓就到咗另一主要景點

話咁快，天開始黑，我地又用咗步行的方法去到是晚高潮位

點解係高潮呢？因為我倆都覺得最能代表巴黎，就非巴黎鐵塔莫屬，所以我地呢個day trip幾少時間都要到

與鐵塔距離越近，係會有心跳悸動 ......

塔底。。。都叫人嘆為觀止

快樂不知時日過。响鐵塔附近都行咗好耐，一睇時間，SH!T，要急急腳走，最SH!T係我地唔知邊度搭車返車站，大鑊！！！！

幾經辛苦終於揾到架返去gare du nord的巴士，仲要有少少塞車。。。。

我地落巴士後即跑。。。跑。。。跑。。。一直跑到上火車，門就關喇！！！呢班尾班車趕唔上的話我地就要

1. 响又凍又落雨的巴黎做一晚露宿者（或者去clubbing消磨時間）
2. 揾間五流的賓館宿一宵（响我地miss咗班train聽朝要買過張正價飛的情況吓，都唔會有錢住啲好少少的地方），諗起都係露宿 / clubbing好啲 ....

呢幅相好肯定係跑跑吓回氣時影的，好好彩趕到班車，未至於流落街頭。

有興趣可以睇以下地圖，有晒我地去的景點

是日行程：sacre coeur >> galerie lafayette >> notre dame >> louvre >> place de la concorde >> champs-elysée >> arc de triomph >> eiffel tower

感謝S同我一起走過寒冷又漫長的路，就連冒雨都覺得好浪漫同溫暖 

每次旅遊返歸時就會諗，下次再嚟會係幾時同邊個？人生要revisit的地方實在太多，期待 .........

honeymoon行程::::拍板::::

雖然係昨晚的事，但依家的心情仲係十分興𡚒！

平時大家都好忙，趁著農曆年假期我同陳生終於有機會一齊坐低，面對面，响部電腦面前，傾吓呢個重要item。其實共識一早都有，但差在落實細節，同睇吓幾時訂機票。

本身「格咗價」，finnair係最平。但鑑於匯率時高時低，一直都唔知幾時出手好。但brainstorming時忽然想起emirates呢間六星級airline，咁不如再check埋啦 ..... 見到個價，簡直就係irresistible。依家物價係咁升，嚟緊會平啲的機會好細。加上我地係book open-jaw ticket，有promotion都應該唔applicable，實在諗唔到遲多兩三個月先book的理由。

好開心，我地落實咗vienna >> salzburg >> neuschwanstein（新天鵝堡）>> munich 的德語區蜜月之旅喇！如果budget控制得好，應該都仲有空間實行埋honeymoon part II 2012年春天日本櫻花之旅 ！但當然呢個要再睇睇當時情況啦，但係最重要仲有得諗！

依家開始睇埋酒店，salzburg & neuschwanstein嗰邊的酒店供應緊張啲，都係打算襯早book埋，唔想等到年中開始忙core wedding items先搞呢啲咁晒時間的事項。

好期待我們的蜜月之旅呀~~~~~ 未出發已經興𡚒咗幾晚！！

我地一於要行晒呢幾度地方的x'mas markets!!!

pre-wedding東京之旅

因為十一月尾要去日本影相的關係，七月已經開始留意各大旅行社的日本package。本來一心諗住搭ANA / JAL的凌晨班機，但原來十一月開始兩間都唔會有凌晨機喇 ………. 同陳生商量過後，我地決定唔會搭九點幾十點的early morning flight，因為到埗第二日就影相，前幾日梗要瞓多啲，所以主要都係揾afternoon flight，玩少一日都冇辦法。

前幾日俾我响zuji發現到香港航空去東京的package，因為新航線的關係，價錢非常優惠，同一airline & 酒店亦都平過响其他旅行社（如康泰、美麗華等）book，所以二話不說就book咗了，東京七日六夜我地來喇！！！

但隱憂就係 …… 聽閒香港航空時有delay，以至flight cancellation的情況發生（我都係book完後先打聽到）。依家可以做的，就係等佢十月三十一日首航之後，monitor住這航線的flight status，萬一真係唔對路就同影相方面傾定plan B。touchwood & fingers crossed!!!!!! 我們這次的旅程要順順利利呀。

墾丁高雄之旅'10

呢間就係我地入住的墾丁民宿喇。起初睇佢個網站覺得間嘢幾姣架，但去到又係另一回事。呢間民宿位處於山丘上，遠離墾丁大街，被一大片綠油油的草原包圍，好耐都冇吸過咁清新的空氣喇。棟建築的外型仲好可愛，好似去咗童話世界！呢張相亦成為咗我的wallpaper 

仲吸引咗一對香港情侣入住同DIY影婚紗相添呀。

第二日我地去到海邊的燈塔，都望到返民宿，佢外型實在太搶眼喇。

到了夜晚，仲可以响草地望到滿天星星，同埋遠處發光的燈塔，咁大個人都係第一次見到咁震撼的畫面！！完完全全係渡假感覺的假期呀。

之後上返高雄。但時間實在唔夠，如果唔係我都想行吓婚紗街。仲俾我發現到呢個喎。

唔知台灣的wedding expo係點架呢。

四天的旅程轉眼間就完，快樂的時間總係特別快。我仲曬黑咗少少..... 希望十月尾影pre-wedding前白返啦，今個夏天要同太陽say good bye喇。