斑蘭蛋糕

呢排個個weekend都焗餅乜滯，多到都來唔切blog，但最開心都係整咗呢個斑蘭蛋糕！大家去新加坡玩都會帶返幾個返香港做手信，但唔講唔知，原來斑蘭蛋糕係源自印尼架喎。。。而我媽媽就响一位印尼媽媽手中得到斑蘭蛋糕的食譜，一啲都唔難整呢，我只係第一次造，效果已經好好，非常鬆軟美味，但稍嫌斑蘭香味不足，下次要落多啲斑蘭葉先。

仲要研究吓點解個頂會焗到裂開少少。。。冇裂的話有信心拎去賣㗎！





唔知嚟緊星期中係咪真係會打風，呢啲唔到我控制，但我己經諗緊打風的話要焗乜。。。冇得出街，烘焙都係個好節目呢！