先blog吓結婚後至上機短短廿四小時都冇。
20.11.2011 星期日：wedding day!!! 待blog
21.11.2011 星期一：good morning，响房食咗個相信係全年最luxurious的早餐（之前陳生仲話想落樓下餐廰食自助早餐，我話唔好掛，結完婚第日實超樣衰，留响房算喇），
鵝肝 + pouched egg + fresh fruits + juice + bread basket+ coffee
之後就hum hum聲執嘢，大家屋企人都上咗嚟幫手攞走啲物資，我同陳生就一齊打的還衫去，還完衫兩點半度。
好的唔靈醜的靈，竟然俾自己講中咗對眼真係腫得好樣衰，所以要睇醫生。但醫生四點先開，用咗大半個鐘响朗豪坊周圍行，都搵唔到太陽眼鏡，honeymoon點遮醜呢
醫生總係要浪費人的青春，佢差不多四點十五分先返到診所，好彩我早去排，第二個就到我。睇完啦啦臨去平時配眼鏡的舖頭買太陽眼鏡，返到屋企，五點幾 ...... 要沖涼、食飯、執行李！！！仲要同陳生同步上facebook轉status.
屋企人仲要俾壓力我又話點解唔早啲執，大佬呀廿號前掛住搞結婚嘢點執行李喎 ............. 另一邊廂，陳生趕住抱隻燒豬嚟我屋企回門。順理成章，呢隻咁可愛的豬就係今晚的晚餐，皮脆，正！！！
好彩，無驚無險，晚上九點幾响親人的送別下（遠道而來的親戚－真係唔知幾時會再見 ），上的士出機場.... 就好似平時咁，住得比我近機場的陳生總要我响機場等。
No comments :
Post a Comment